Kamis, 20 Oktober 2011

(Sinau Boso Etanan 2) : MENE ambek MBEN

Cak Ruslan ambek Cak Marto cangkrukan nang Warunge Mak Laras. Loro-lorone lagi ngopi ambek ngemil gorengan opo maneh tas mari udan.
Cak Ruslan : To, mene sido gak dulin nang omahe Pak Sarip?

Cak Marto : Hmmm...sik..sik, tak mbukak BB-ku sik yo (mari ngono Cak Marto mbukak Berry Berryne...cek guayane rek!)
Cak Ruslan :Yok opo To? isok tah?
Cak Marto : Waduh Lan! aku pas gak isok e lek mene. Aku kaet isoke mben...iyo! mben ae wis!
Cak Ruslan : Lha opo'o kok gak isok mene?
Cak Marto : Onok janjian aku (ambek nyruput kopine)
Cak Ruslan : Hayoooo, ambek sopooo????
Cak Marto : Ayu Ting-Ting...golek alamat palsu!
Cak Ruslan : Oooo...untumu rompal! Yo wis mben ae lek ngono. Awas nek gak!

Nah, ukoro mene (e ngarep diwoco koyok resah, e mburi diwoco koyok kene) artine podo karo sesuk utowo besok

Terus lek ukoro mben (e-ne diwoco koyok becak) artine podo karo lusa utowo sesuk mben

Iku ukoro sing biasa digae nang daerah Jawa Timur Arekan, molai Gresik sampek Malang. 
Contone maneh yo
Mene aku ate nang Plaza Tunjungan = besok aku hendak ke Plaza Tunjungan
Bu Tri mben ate sowan nok omahe Mbah Surip = Bu Tri lusa akan berkunjung ke rumah Mbah Surip

Iku sik yo pelajarane...engkok disambung maneh


Pojok Lambe 2011

11 komentar:

  1. Heheheh... nggih leres mas.. tambah maning pelajaran bosone...

    BalasHapus
  2. la nek suroboyoan ngene,,,
    ..
    mene tak enteni lo cuk ning ngarepe sekolahan..
    jok lali yo cuk..!!

    BalasHapus
  3. nek meduroan ngene,,,,
    ..
    lagu' e dente' yeh bi' engko' e yade'en sekola'an
    je' kelopaen yeh...

    BalasHapus
  4. Anonim : Hahahahaaha...dadi eling ITS CUK saiki dadi ITS CAK

    BalasHapus
  5. cilukbaaaaa...
    bakekok...

    BalasHapus
  6. Ehh, wonten nopo mas no, kok celuk-celuk panggon kuliahku? :D

    BalasHapus
  7. Heheheheee...mbiyen kan ITS Cuk..saiki ITS Cak

    BalasHapus