Kamis, 13 Desember 2012

(Gedabrusan PojoLambe) : RolasRolasRolas

Rolas
Rolas
Rolas
Tanggalane wingi cek tepake lek digatuk-gatukno. Opo maneh lek gae sing seneng nogel biasane dianggep ongko jitu. Ambekan arang-arang pol lek dipikir nemokno tanggal sing anyar ngono jes. Aku dadi kelingan lek tau nontok film judule 2012, sing jarene tanggal 12-12-12 bakale kiamat. Lek tak tontok filme, isie ancen medheni. Nggambarno dunyo iki bakale ajur sak ajur-ajure. Onok udan es sing guedhe, banjir tsunami sing dhukure sak Gunung Everest, sampek wong keplayu-playu kepontal-pontal golek slamete dhewe masiyo ndik filme jare gak kiro slamet. Jenenge film yo mesti kudu onok sing slamet...lek matek kabeh yo gak kiro seru rek. 

Rabu, 05 Desember 2012

(Gedabrusan PojokLambe) : Kangen Siaran Pojok Kampung

Yah mene iki, moro-moro aku dadi kelingan acara Pojok Kampung maneh. Acara siaran boso Suroboyoan sing ditayangno ndik JTV mben jam songo bengi iko lho....sing penyiare uayu-uayu tapi coro omonge medhok gaya Suroboyoan (masiyo lek jareku gak cetho). Sing paling tak eling lek penyiare sing paling senior pas iku, Ning Festin Rohring...hehehehe..

Sugeng ndalu dherek yok opo kabare riko kabeh..terus ditutup ambek parikan gaya Ludrukan sing pas banget. Aku ngerti acara iki yo wis sepoloh taunan, ancen kethoke ndeos ambek wagu lek tak tontok pertama kali. Bosone pas iku sik kasar temenan, opo maneh ditambah kata-kata sing nang kuping dhewe vulgerr...yo be'e pas iku gurung nemokno format boso sing tepak yo? pas pertama kali mecungul nok tipih, Pojok Kampung sempat nggarai rame-rame sampek mlebu koran. Opo'o? Sing protes akeh-akehane wong-wong tekok Jawa Timur sisih kulon ambek Jawa Tengah sing bosoe luwih alus. Pojok kampung iki dianggep kekasaren digae siaran warta brita.

Senin, 03 Desember 2012

(Gedabrusan PojokLambe) : Gak Usah Rame-Rame Rek

Assalamualaikum

Sugeng Sonten dherek kabeh

Pojok Lambe mbalik maneh nyorat-nyoret nok bloge sing saking suwine gak diutik sampek lali bancakan umure sing wis setaunan luwih. Kakean mblakrak utheke yo dadie ngene rek. Hahahahaa...

O iyo se, aku lali. Aku gurung ngekei slamet gae pemain timnas Indonesia, sing masiyo kalah ambek timnase negoro tonggo sedhulur tapi sik pancet ngethokno ajine dadi kebungahane bongso Indonesia. Aku ngerti lek mesti antarane 2 negoro iki onok ae masalah, embuh masalah sing budayae, opo soal sing cekeremes koyok gurem nok susuane pithik sing seneng angkrem (lek onok endhoke yo tak jukuki, enak..oleh endhok gratisan). Aku yo ngerti lek onok media sing ngwartakno lek suporter tonggo sebelah yo onok sing misuhi kene pas ate tanding. Mestie yo akeh sing mecungul sungute pas krungu warto iku, tapi kudu dieling barang rek, yok opo pas dubese dibalangi tembelek ambek dicerak-ceriki sampek sak isie drenten (bonbin alias kebon binatang) metu kabeh (plus nggarai kewan-kewane purik kabeh...molai gajah sampek semut). Muntap? yo mesti muntape! Cumak iku kene yo kudu mikir sing wasis.

Minggu, 02 Desember 2012

(Cerpen Terjemahan) : Lapis Legit (Versi Jowo Wetanan)

Catetan :
Iki cerpen terjemahan tekok cerpen aslie sing gae boso Indonesia. 100% tulisanku dhewe, gudhuk nyolong tekok karyane wong liyo. Dijamin!



Aaah!! Bengokku
“Opo’o se koen gak legi-legi?” aku ndremimil dhewekan nok pawonku sing koyok kapal pecah iku. Kebek pol ambek turah2ane endhok, glepung ambek loyang sing pating jlentrekan. Onok pirang loyang isie lapis legit sing gatot alias gagal total nok kono…muesti onok ae sing salah. Kelegen lah, bantet lah, ampyang lah…embuh wis! Gak isok diandelno blas pokoke! Terus aku lungguh ndlosor nok ngarepe oven sing wis tak pateni ket mau. Ganok sopo-sopo ndik omah pas iku. Bojoku wis pirang dino iki gak mulih polae sik onok tugas nang luar kota, terus Sinta anak wedhokku sithuk ndil lagi nginep nok omahe morotuoku polae pas preian sekolah. Dadi aku ijenan ae, terus embuh opo’o ketepakan aku pengen ijenan padahal biasane aku sueneng pol lek onok Sinta. Isok ngrungokno ètès ambek èblase ambek disambi nyacak nggae lapis legit iku.

Suwi pol aku ndeloprok nok ngarepe oven. Bahan-bahane lapis legit iku tak jarno nggletak ae, kethoke lek nok motoku njaluk ndang digarap. Tapi..aku sik mualese puol. Aku mek meneng ae koyok-koyoko tas ndelok Nyi Blorong liwat. Enthek pirang-pirang tapi sik pancet bantet, gak iso dadi lapis legit sing tak karepno. Bojoku se mben dino ngebel opo sms aku, ganok lerene blas. Tapi rasane koyok kosong, aku males mbalese, lek pas ngebel aku mek nanggepi sak onoke…koyok ademe kulkas.

Sabtu, 01 Desember 2012

(Cerito Pojok Lambe) : Bal-Balan

Bal-balan iku lek diarani dadi klangenane wong-wong, utamane wong lanang. Muesti lek onok pertandingan bal-balan ngono, embuh amatiran opo sing profesional mesti podho rame-rame nontok. Mben Sabtu ambek Minggu sampek diarani jatahe bal-balan. Masiyo tayange nok tv pas jame Mbak Kunti ambek Mas Gondo dines, tapi pancet ae dienteni. Yo ancen se, lek nok Eropah kono sik parak sore dadi yo gae wong kono wis kulino, lek Indonesia? sing kacik 6 jam jarake iku sing masalah. Opo maneh lek wis kesel remek awake. Karek nyepakno kopi, klithikan, rokok (gae sing rokokan) njegidheg nok ngarep tv sampek parak isuk mesti dilakoni wis.

Lek pas wayahe tanding seru sak jagad ngono, mesti wong-wong telat kerjo ambek klangopan bakale nambah, polahe podo rame-rame berjamaah nontok bal-balan. Yo masiyo guduk negorone, tapi polahe didol sampek elek yo bakal laris manis. Liga Linggis, eh Inggris ambek Itali contoe. Mesti akeh ditontok, terus Piala Champion, Euro, ambek saiki AFF yo sik rame dicritakno. Lha wong-wong podho njogrok nang ngarep tv wis tak delok sakdurunge aku nulis iki rek.

Tapi...
Emane aku molai cilik gak seneng nontok bal-balan. Padahal pas aku sik cilik, aku gelek dijak Mbah ambek Bapakku nontok. Pas jaman cilikanku, yo sing ngetop pertandingan GALATAMA sing lek gak salah onok bapake Irfan Bachdim (wah gak nyono wis kewut pol yo aku..wakakakakak..mengong!). Tapi embuh kok aku malah seneng ndeloki tingkahe penonton timbang pemaine. Hahahaha. Aku yo tau kelingan, pas iku taun 94, jamane Piala Dunia dianakno nok Amerika sing wargane luwih seneng dulinan basket timbang bal-balan sikil. Pas iku tvne didim ambek bapakku, ganok sing oleh ganti-ganti salurane...padahal onok sinetron senengane ibukku. Tapi ndilalah, pas wis tengah wengi, bapakku malah turu, aku pas nglilir, dadi ambek mlaku nang kulkas njupuk setup polahe ongkep pol hawane, aku malah sing nontok. Lek gak salah Jerman ambek Bulgaria pas iku. Yo wis, pas gak isok turu maneh aku kepekso nontok soale ganok saluran TV sing akeh koyok saiki. 

Nah, lek pas ngumpul nang omah ngono lek wayahe bal-balan, aku mesti mlebu kamar. Nontok siaran favorit koyok flora fauna, film ambek komedi. Embuh lah...kan gak kabeh wong lanang seneng bal-balan. Yo tepak aku akeh tunggale kok, dadi lek sing ngomong gak seneng bal-balan bencong, yo emploken dhewe enyekan iku. Hehehehehe...Akeh wedhok sing seneng bal2an kok, tapi lek tak delok akeh2ane (gak kabeh lho yo) nontok bal-balan polahe ndelok pemaine, guduk permainane. 

Yo wis lah..sing penting gak usrek-usrekan perkoro seneng gak seneng. Mben wong nduwe selerae dhewe-dhewe, gak isok diganggu gugat. 

Sing seneng bal-balan yo nontoko, sing gak seneng yo nglakoni liyane cek penak ngono rek. 



1122012

Rabu, 21 November 2012

Boso Jowoe ‘Air Terjun’


Sugeng ndalu dherek, yok opo kabare riko kabeh? Apik a? Wis suwi puol puolan aku gak ngisi-ngisi nok blog iki. Opo maneh alhamdulillahe blog iki molai diparani wong-wong, embuh iku ngerti opo gak ambek boso etanan iki. Hehehehehe.

O iyo, gae pemanasan, aku tak mbahas boso Jowoe ‘air terjun’ ae lek ngono. Males lek mbahasi politik sing gak kiro enthek koyok susur iku. Cek no ae wong-wong rame-rame perkoro iku soale lek jareku mbahas iku koyok ngomongno enthut berut. Jane onok macem-macem istilah gae ngarani ‘air terjun’ iku. Lek nang Jawa Tengah sisih kulon, molai tekok Brebes sampek Semarang, ‘air terjun’ diarani ‘curug’. Curug iku dhewe lek gak salah asale tekok boso Sundo. Contoe ‘Curug Cipendok, Curug Ceheng, Curug Pitu, Curug Sewu lan sakteruse.

Lha terus lek tambah ngetan, iku diarani ‘Grojogan’. Koyok contoe ‘Grojogan Sewu sing parake nok Tawangmangu kono. Eruh gak? Iku lho sing ndik tracakane Gunung Lawu sisihe Jawa Tengah mlebu Karanganyar. Lek sik gak ngerti, tak kon ndelok peta lho yo.

Terus tambah ngetan, utamane nang daerah Malang ambek sak ubengane, ‘air terjun’ iku wis diarani ‘Coban’. Lha sing iki isok akeh ngomonge aku…Coban Rondo, Coban Tengah, Coban Manten, Coban Pelangi, Coban Rais, Coban Baung, Coban Cindhe ambek sak teruse.

Ngetan maneh malah diarani ‘Curah’. Embuh opo’o diarani curah…be’e polahe iku mau. Banyune mancur nyurah-nyurah koyok banyu mili sing gak kiro enthek sampek dunyo kukutan (halah cangkemmu iku Caak,…Cak!). Yo wis lah, sak mono sik yo crito critone…Perkoro ‘air terjun’ ae isok seje-seje kok masiyo podho Jowoe. Hehehehee.  


201112

Selasa, 30 Oktober 2012

SUMPAH PEMUDA, SUMPAHE SOPO REK?


Sumpah Pemuda, Sumpahe Sopo Rek?
Iku sing dadi dulinan sing mubeng-mubeng koyok bido nok utekku. Sakjane aku ate nulis perkoro iki pas tanggal 28 Oktober wingi, tapi polae lagi males-malesan utowo mumet endhase kenek perkoro reno-reno, yo wis rek tak simpen ae nok utek. Lha ngepas upacarae dino Minggu aku gak teko, yo jelas rek aku melok sing endhi. Wong sing cedhek-cedhek ae aku gak tau kober. Aku sek eling terakhir melok upacara iku pas dadi mahasiswa anyaran, iku ae mek TA alias Titip Absen, terus kene ngenteni nang njobo ae hahahaha.

Sabtu, 20 Oktober 2012

Cara Omonge Arekan


Lek jare wong-wong, logate wong asal daerah Arekan molai tekok Jombang sampek Jember, molai Gresik sampek Malang iku seje dibandingno ambek cara omonge wong Jowo nok sisih kulone. Aku dhewe ket ngrasakno pas pertama kali pindah nduk Semarang. Mben aku ngomong, wong kene mesti isok nengeri lek aku iki gudhuk wong Semarang.
“Sampeyan mesti seko Jatim yo?” takok wong sing kaet kenalan ambek aku.
“He-eh.” Aku nyauri ngono. Nirukno cara omonge Semarangan tapi pancet ae gaya Etanan gak isok dibusek blas.

Mangayubagyo yo Pak Jokowi-Pak Ahok


Critane iki Pojoklambe wis suwi gak diisi-isi. Polahe sing nduwe omah sik uakeh urusan, sakliyane aras-arasen mergo onok kukutan. Kukutan? Iyo, kukutan enggon kerjo lawas ambek kukutan omah maya sing pualing disayang tapi saiki dadi mbencekno gara-gara genaro-genaro mengong ndik kono. Oh iyo rek, aku sampek lali ate mbahas perkorone Pilkada DKI Jakarta sing akhire dimenangno pasangan Jokowi ambek Ahok. Ancen wong loro iki gudhuk wong Jakarta asli, sithuke tekok Solo ambek pas iku sik njabat dadi walikota Solo sing paling sukses noto PKL-PKL, terus sithuke maneh turunan Tionghoa sing tau dadi Bupati Belitung Timur masiyo gak sampek enthek masa jabatane.

Minggu, 30 September 2012

(Cerito PojokLambe) : Oppa Mekangkang eh..Gangnam Style


Saiki-saiki wong-wong podho megaya kabeh melok-melok gaya tandhakan sing di populerno ambek wong Korea. Aku gak patek nggathekno asline, tapi kok kakean mecungul nok tivi, terus uakeh sing ndhelok youtube-e. Tak mat-matno gaya sing diarani Gangnam Style “opo nek tak arani malah koyok wong mari disunat gayane” malah persis gayane wong mancal jaran. Ceklak cekluk ceklak cekluk kadang gayane koyok kodok ate mencelat, terus langsung booming koyok bom atom sing dilugurno Amerika pas ngenthekno Jepang mbiyen. Eh, Si Bisnis Spir yo jare sueneng puol ambek gayane Gangnam iku...sak dunyo wis pendhekane kenek kuabeh.

Rabu, 26 September 2012

(Crito Pojok Lambe) : Fatimah...Mbeeeekkk



Aku kelengan salah siji kedadian sing sampek saiki sik nggarai aku ngguyu cekakak gerr gerran tapi ambek mikir pisan. Sakjane iki wis suwi soro, kiro-kiro taun 98. Jaman aku sik ngganteng-nggantenge dadi arek (tapi saiki yo sik ngganteng gak kethulungan….enak kan timbang minder mending pede). Pas iku aku mbolos kuliah seminggu padahal pas iku daerah Banyuwangi lagi rame-ramene soal dukun santet. Tapi yo polahe aku pengen nontok kesenian Janger nok kono, yo wis bonek-bonekan ae. Ambe’an aku yo mek wong situk sing tak kenal nok kono. Iku sik dhulure koncoku ndik kampus.
Aku nginep ndik daerah Banyuwangi persise meh nyedeki gapurone kutho. Lha pas iku kenalan-kenalanku tambah uakeh polahe aku yo njuk referensi perkoro seni Janger iko. Jenenge arek nom, lek kadung pengen eruh yo golek sampek temok. Tapi onok siji sing iku mau, nggarai aku cekekekan poll. Critane pas kenalanku sijine, arani ae Pak Az ngejak aku bengi-bengi nang tukang pijet langganane. Enggone mlebu kampung banget, tapi aku wis lali sisih endi enggene. Maklum ganok catetan pas iku. 

Senin, 24 September 2012

(PojokLambe Crito) : BALIK KANAN, GRAK!!!!

Iki crito-crito jaman aku sik SMA. Pas iku aku ditunjek eh ditunjuk dadi anggota paskibra gae jatah upacara dino Senen. Mben Senen mesti onok upacara lan mben kelas yo kenek jatahe dadi petugase. Aku wis lali persise kapan, sing jelas kedadiane taun 1993-an, jaman aku sik sweet sweet seventeen alias sik ngganteng-nggantenge (sampek saiki yo sik ngganteng, ojok katik protes yo! uawas peno lek protes2..hahahahaha). Lha pas iku aku, ambek loro koncoku liyane (sijine wedhok) dadi petugas pengibar bendera. Kene latian enthek-enthekan masiyo mek level sekolahan. Maklum kabehe kudu kethok sempurna. Disemprot ambek kakak pembina ae yo sampek menter.

Rabu, 12 September 2012

(Pojok Lambe Crito) : THE SHOW MUST GO ON

Sugeng enjang dherek kabeh
Yok opo kabare peno-peno kabeh? Apik kan? Wis sak ulan aku gak ngisi omah iki. O iyo, sakdurunge SUGENG RIYADI gae riko kabeh yo. Sing nom akeh salahe, sing tuwek akeh dhuwite....sing tuwek aku njaluk galak gampile (angpao) po'o (hloh? ngomong opo aku iki rek!). Nang omah sebelah sing diarani Multiply opo lek arek-arek ngarani Mulkiplid, Mulpid, Multupid, Mulstupid lan sak panunggale, podho rame-rame mbahas sing jenenge dom pentul eh..tools sing dijanjekno ambek pihak Mulkiplid iko. Wis tak coba'i yo sik gatol ae alias gagal total. Yo wis lah gak popo lek ancen kudu alon-alon yo dipreteli sithok-sithok sampek njendhol jithoke, koyok jithoke ponakanku sing bonong alias botak nonong. 

Aku sampek mbukak omah akeh polahe iku. Nang Wordpress yo wis tak cacak alon-alon. Jurnal sampek ewonan iku yo sampek elek gak mari-mari mindahe. Akhire sing tak lakoni yo hara-kiri alias ngilangi jurnal-jurnal sing tak anggep gak penting blas, koyok curhatan ambek konco-konco sak kompine. Sing penting-penting kudu ndang dislametno. Omah anyar iki yo sik uakeh cacate. Gak sepenak Mulkiplid iko, cuma aku dadi kelengan artikel sing tau tak woco nok internet perkoro ZONA NYAMAN. Zona sing wong-wong rumongso nyaman, gak usah eksplorasi maneh, soale wis kepenak nok kono. Padahal yo lek diarani Zona Nyaman iku sing paling medheni, soale kene malah buntu, gak isok ngembangno awak dhewe ambek gak iso luwih apik maneh ketimbang saiki.

Rabu, 08 Agustus 2012

(Pojok Lambe Crito) : BLOG MULTIPLY ATE KUKUTAN

Assalamualaikum Dherek, Yok Opo Kabare Riko kabeh?
Wis suwi aku gak ngisi blog iki yo. Maklum ae luwih gelek nok lapak sithuke sing guampang aplikasine. Lapak iki wis tak eloki meh wolung taun. Ndhik kono akeh kenangane, kekancanane, pasedhulurane, uakeh acara-acarane. Molai tekok baksos, antologi buku sampek lomba-lomba sing asik-asik. Iku kabeh onoke mek nang lapak sithuk iku....opo iku? Yo jenenge Multiply.

Molai taun 2004 sampek saiki aku wis meloki lapak iku. Molai tekok fiture sing sik cekeremes, sampek canggih koyok saiki. Lha saiki onok kabar lek Multiply ate mateni fitur blog sak towo-towo fotone. Pokoke sing mambu-mambu jejaring sosial ate diilangi kuabeh per tanggal 1 Desember 2012 engkok. Iki kabeh marai poro penggunane dadi galau berjamaah. Bek-beke onok barang sing nangis ngejer mbrebes mili polae brita iku. Si Stefan sing dadi CEO Multiply wis mutusi ngono lek Multiply ate didadekno enggon dodolan ae, ganok maneh fitur gae blogger. Iki kabeh nggarai cidro atine poro penggunane sing wis nggae Multiply pirang-pirang taun. 

Kamis, 10 Mei 2012

IRI

Njae iku boso Malangan gae kata 'IRI'

Sakjane aku gelek ngrasakno koyok ngono. Njae ndhelokno kahanane sak ubenganku. Njae ndhelok wong-wong sakpantaranku opo malah ngisoranku sing uripe dadi-dadi. Pas reunian ngono kadang koyok dadi ajang pameran status siji ambek liyane. Paribasane sukete tonggo kethok-kethoken luwih ijo timbang suket omahe dhewe. Aku dhewe kadang rodok mindek tapi yo ndhuwe roso njae iku. Ditambah maneh ibukku mesti ngomong "Dheloken dulurmu, si A wis isok tuku montor, tuku iki, tuku iku." Duh Gusti! Opo'o se bondho mesti didadekno ukuran suksese wong? Kadang aku sutris karepe dhewe ambek roso njaeku tambah ndadi-ndadi gak karuan.

Lah kadang yo aku mikir dhewe...Holaopo aku kok ngene terus? Opo maneh mari onok kedadian pirang-pirang dino iki nggarai aku koyok kegibeng. Kegibeng lek sakjane aku sik onok kesempatan gae ngadeg maneh. Insyaallah wis tak cobaki saiki. Opo ae masalahe, ojok sampek njae ambek uripe wong liyo maneh...Aku nontok iklan rokok sing gambare wedhus slenden nang wit lan nyantai nang sukete dhewe.. hahahahaha. Iklan iku lucu tapi mak jleb nang ati. Lumayan gae nyemangati awak dhewe..

Mugo ae nang umur sing wis mid thirties iki onok perubahan sing mendasar opo maneh mari ngliwati poso taun iki. Aku mek ngarep ambek ndungo cek iso terus melok poso-poso taun sakteruse. Tapi yo iku mau... umur, rejeki ambek jodo iku urusane Gusti. Kene mek pasrah ambek tawakal ae. Gak ngurus maneh wis lambene wong2. Bah koen manak ping piro, bah koen tuku opo, bah koen munggah jabatan..gak ngurus!...menungso isone mek ngomong thok. Hehehehe.

Ndengaren aku mellow ngene? Bahno wis! sing penting kudu semangat maneh masiyo saiki ngadepi kondisi sing gak pasti. Gak usah njae ambek uripe wong liyo maneh, cekno ae dheke sukses, cek gak njae yo gak usah diwoco opo dianggep cerito panyebar semangat ae hahahahaha. Fokus nang kene dhewe ae.


Mandar mugo Gusti ngijabahi

Senin, 20 Februari 2012

Boso Walikan Malangan / Osob Kiwalan Ngalaman

Assalamualaikum sedherek kabeh sing setia ambek Pojoklambe

Yok opo kabare riko kabeh? Seger waras kabeh kan? Dino iki pojoklambe ate njlentrekno ambek ngenalno sithik perkoro boso gaul (lek nang Malaysia diarani bahasa slanga, ndhik Indonesia diarani bahasa gaul utowo nok boso Inggris diarani slang) sing dituturno lan dadi populer ndhik kalangan warga kutho Malang lan sak ubengane. Bosone biasa diarani boso walikan utowo osob kiwalan. Lek jare crito sing mubeng-mubeng perkoro sejarae onoke boso iki, iku mbiyene dadi boso sandine poro bromocorah (lek saiki korak utowo preman) sing terus didadekno boso sandine pejuang gae mbingungno teliksandi (mata-mata) Londho pas perang mertahanno kemerdekaan tekok penjajah.

Minggu, 19 Februari 2012

(Puisi Pojok Lambe) : Tandhak Bedhes

Gulune dirante
Diklambeni koyok menungso
Digowo nang endhi-endhi
Dikongkon nandhak
Kadang ndelokno yo nggegirisi
Kudu melok opo jare pawange
Sampek kadang disebet barang
Nandhak-nandhak meloki kendhang
Ditontok wong sak lapangan
Wayahe nggawe topeng reog yo nggae
Wayahe montoran yo montoran
Mareng ngono mubeng njaluk bayaran
Kadang akeh kadang thithik
Uripe bedhes tangkepan
Dipulosoro kadang siunge dijabuti
Dirante lan gak diramut sing nggenah
Padahal yo mestine uripe nok alas
Gudhuk nok tengahe menungso
Duh bedhes-bedhes sing ngesakno
Dadi klangenan tapi uripe nelongso
Akeh menungso sing njekethek koyok tandhak bedhes
Dieksplorasi, dimanfaatno tanpo roso kamanungsan
Kapan poro bedhes iki isok urip penak
Lan poro pawange iso oleh gawean sing layak
Cek gak kathik-kathik nyikso bedhes maneh

19 Februari 2012

AMIGOS PARA SIEMPRE

Amigos para siempre iku tekok boso Sepanyol. Sepanyol asli lho yo…gudhuk Separuh Nyolong, bosone negoro matador iku lho yo maksude sing telenovela telenovelane digandrungi sak kolong jembatan eh jagad iko hehehehehe. Nah aku kaet kelingan pas omong-omongan ambek muridku ndik ruanganku pas ngenteni proposal. Onok salah siji koncone sing diceluk ‘sembre’. Lha selawas iki aku kan gak eruh opo’o dhe’e iku diceluk ‘sembre’. Yo wis, iseng-iseng ae aku takok nang koncone sing lagi lungguh-lungguh manis nok ruanganku ambek ngenteni surat proposale mari.

“Aku takok rek, opo’o se koncomu sithuk iku diceluk ‘sembre’? Kok aku sampek saiki gak nduwe bayangan ngono yo lek dhe’e isok diceluk iku.” Jareku ngono.

Tak pikir asale tekok gaya rambute tah opo, dadine koyok ngono.

“Ngethen Pak. Dhawuhe se inspirasine saking kata ‘sembre’ sing teng niku lho pak ‘Amigos para siempre’.” Jawab salah siji muridku.

“E alaaaah….kok yo mlenceng men yo reek” jareku ngono. Sembre tibake tekok kata ‘siempre’…ancene ilat Jowo kok mblesetan hehehehehee.

“Maksude amigos para siempre tah?” tambahku maneh

Arek-arek mek manthuk-manthuk koyok manuk tengak tenguk. “Meniko artine nopo Pak?” takok salah siji arek.

“Amigos iku artine agak minggir got (selokan, longkang) sedikit” Langsung arek-arek ayu iku ngguyu nggegek kabeh. Lha tak terusno

“Dadine rek, amigos para siempre iku artine koncoan sak lawase lek boso gampangane.” Jelasku ngono.  Nah, tekok kedadian iku aku dadi tambah ngerti opo’o areke diceluk sembre. Yooo ancen wong Jowo iku ngono kok, opo sing mlebu isok dadi mleset coro omonge. Tapi tekan mbleset iku akhire dadi tengeran, iyo gak?


19 Februari 2012


Sabtu, 18 Februari 2012

Yok Opo Kabare Kabeh?

Assalamualaikum Dherek,

Yok opo kabare riko kabeh? Seger waras kabeh kan? Aku wis suwi gak nyorat-nyoret nok situs iki. Maklum uakeh pol alangan sing kudu tak adhepi....salah sijie yo iku, males nulis. Molai kenthekan ide sampek macem-macem perkoro wis sing nggarai si Pojok Lambe vakum rodok suwi (gak trimo suwi...suwii polll) sampek-sampek omahe dadi bledhuken koyok ngene. Kudu resik-resik maneh sing rijik cek omahe isok ditekani maneh ambek riko-riko kabeh. Opo maneh riko-riko sing wis gelek nyambangi omah iki. Wis, pendhekane ngono lah. 

Uakeh tibake crito sing kudu ditawak-tawakno nang riko kabeh. Tapi siji maneh, pancet ae nggae logat etanan sing dadi boso asli iki. Sing gak eruh takok ae yo..hehehehehe...

Monggo tak undang mampir-mampir maneh mrene...:)

Iku sik ae, insyaallah engkok-engkok disambung maneh nulise yooo..


Wassalamualaikum

Sugeng ndalu nedho nrimo

Pojok Lambe

Selasa, 03 Januari 2012

(Gambar Pojok Lambe) : GUNUNG SEMERU TEKAN ENGGONKU




Sugeng Enjang dherek,
Iki pemandangan Gunung Semeru (paling kanan) tekok daerahe omahku..

Dijupuk jam 6 isuk
Ndhik MALANG

Monggo..

PojokLambe 2012

Senin, 02 Januari 2012

(Pojok Lambe 2012) : Sugeng Warso Enggal Yo Rek!!!

Sugeng Warso Enggal sedherek kabeh!

Yok opo kabare awak peno kabeh? Mugo-mugo podho sehat seger kuabeh yo nok taun anyaran iki. Wis suwi aku gak uthak-athik blog pojok lambe iku, ambek gak nyono rek wis diklik luwih ping 2000, alhamdulillah lek ngono.

Yok opo preian taun anyarane riko kabeh? Opo onok sing dhulinan nang enggon2 wisata? opo onok sing ngrayakno nok omah ae ambek keluarga polahe males metu gara-gara udhan dueres pirang-pirang dino iki? Ancene kok, nok Jawa Timur pas malam taun anyar malah akeh enggen sing kebanjiran, termasuk yo Suroboyo dhewe, malah kebanjiran nang endhi-endhi ngantek salah siji Rumah Sakit nok Wonokromo ae kelebon banjir nganthek sak dengkul, terus polae iku yo wis, wong-wong podho ngungsi kabeh nok lantai loro lan operasi ae sampek dibatalno gara-gara banjir iku. Lha nduk Malang dhewe ketepakan nang ngarep Balai Kota onok usaha pemecahan rekor dunia ngedram paling suwi sing dilakoni ambek Kunto Hartono molai tanggal 27 Desember jam wolu isuk sampek tanggal 1 Januari 2012 jam limo isuk.

Alhamdulillahe wonge isok ngedram sampek 122 jam, sing artine kacek 2 jam ambek pemecah rekor ngedram paling suwi tekok Amerika kono. Semboyane aku sueneng puoll....Jagad Malang Nang Dunyo, Jenggirat Tangi Indonesiaku. Sisane, udan dueres pas taun anyaran nok Jawa Timur umume sampek jare Pantura macet polae kebanjiran nok endi-endi.

Yo wis lah, iki tulisan pertamaku nok taun 2012 iki. Mugo-mugo awak peno kabeh oleh barokah sing luwih nduk taun ini. Sing mbiyen-mbiyen, embuh iku sing mbencekno, sing ndrawasi lsp dijarno ae nok mburi, sing penting nduk ngarepe kene ae....yuk podho semangat kuabeh ndik taun iki.


Sugeng Warso Enggal

Pojok Lambe 2012